شام وچ داعش دے حملے وچ2 ترک فوجی ہلاک

دمشق (پاکستان نیوز پوائنٹ 07ستمبر 2016ء) شام دے شمالی حصے وچ شدت پسند گروہ داعش دے ہک حملے وچ ترکی دے 2 فوجی ہلاک اتے 5 زخمی تھی گئے۔ ترک فوج دے مطابق الرائے شہر دے نیڑے داعش دے جنگجوواں دے نال جھڑپاں دے دوران ترکی دے ڈو ٹینکاں کوں میزائلاں نال نشانہ بنڑایا گیا۔ ایں حملے وچ فری سیریئن آرمی دے ڈو جنگجو وی ہلاک تھئے۔واضح رہوے جو شدت پسند گروہ داعش اتے کرداں دے خلاف حملیاں وچ فری سیریئن آرمی ترک فوج داساتھ ڈیندے پن۔