شامی دہشتگرد دنیا دے خطرناک ترین ڈرونز رکھیندن، روس

ماسکو(پاکستان نیوزپوائنٹ15جنوری2018ء) رو سی حکام انکشاف کیتے جو شام اچ جیہڑے ڈرون پکڑیے گن او اتنے جدید اتے موثر ہین جو پوری دنیا کیتے خطرہ بنڑ سگدن۔ انہاں ڈرون اچ اینجھی جیمنگ ٹیکنالوجی وی اے جیندے نال اے اپنڑی نقل و حرکت کوں کہیں وی جدید ٹیکنالوجی توں لُکا سگدن۔روسی خبر رساں ادارے موجب اتنی جدید کارکردگی تے سائنسدانوںداآکھنڑ اے جو انہاں ڈرون کوں بنڑاونڑ کیتے بہوں اوکھے اتے جدید ترین سافٹ ویئر استعمال کیتے گن ، ایندے کیتے جیہڑاا سلحہ استعمال کیتا گئے او کہیں وی گائیڈڈ میزائل توں گھٹ کائنی۔اے اسلحہ دھماکہ خیز شئیں اتے بال بیئرنگ نال بھریا ہوئے۔ اے اسلحہ بہوں خطرناک ثابت تھی سگدے۔