چینی کمپنی دا حق ادا نہ کرنڑ تے سعودی شہری گرفتار

ریاض (پاکستان نیوزپوائنٹ15جنوری2018ء) ریاض دی ایگزیکٹو کورٹ چینی کمپنی دے مالک دے حقوق دی ادائیگی دا عدالتی فیصلہ نہ منڑ آلے سعودی شہری کوں جیل بھیج ڈتے۔سعودی اخبار موجب چین دی بین الاقوامی اقتصادی عدالت دے تحت ثالثی کمیٹی سعودی شہری دے خلاف ادائیگی دا فیصلہ جاری کیتا ہا جیندے تحت سعودی شہری کوں 15 لکھ سعودی ریال چینی کمپنی کوں ڈیونڑ دا حکم ڈتا گیا ہا۔ ایں سانگے چینی کمپنی فیصلے تے عملدرآمد سانگے سعودی ایگزیکیٹو کورٹ نال رجوع کیتا ہا۔ عدالت ایں معاملے دی پڑتال تے اے گالھ سامنڑے آئی جو سعودی شہری کولوں پیسے کائنی جیندے تے اوکوں جیل بھجوا ڈتا گئے۔