واشنگٹن (پاکستان نیوزپوائنٹ12جنوری2018ء) بھارتی بحریہ اپنڑی تاریخ دیاں ساریں توں وڈیا ں جنگی مشقاں دی تیار ی کریندی پئی ہے جیں اچ بھارت پہلی واری خطے دے 23 ملکاں دی میزبانی کریسی۔امریکی نشریاتی ادارے دے مطابق توقع کیتی ویندی پئی ہے جو بحری مشقاں اچ بئے ملکاں دے 30 بحری جنگی جہاز حصہ گھنسن جڈاں جو مجموعی طور تے انہان مشقاں اچ 70 بحری جہاز شریک تھیسن۔
بھارتی نیوی دی مشرقی کمان دا ہک وڈا حصہ انہاں مشقاں اچ شریک ہوسی ،بحری مشقاں دا آغاز یکم مارچ کو ں تھیسی اے 5ڈینھ تئیں جاری رہسن ۔ بھارتی میزبانی اچ تھیونڑ آلیاں مشقاں اچ شرکت کرنڑ آلے ملکاں اچ آسٹریلیا، تنزانیہ، نیوزی لینڈ، فلپائن، بنگلہ دیش، کمبوڈیا، میانمار، تھائی لینڈ، انڈونیشیا، سنگاپور، ملائیشیا، جنوبی افریقہ، موریشس، ویت نام، برونائی، کینیا، موزمبیق ، متحدہ عرب امارات، یمن اتے اومان شامل ہن۔
