نئی دہلی (پاکستان نیوزپوائنٹ12جنوری2018ء) بھارت اچ امریکادے سفیر کینتھ جسٹر آکھیے جو امریکا نیوکلیر سپلائر گروپ اچ بھارت دی شمولیت کوں یقینی بنڑاونڑ کیتے بھارت کیتے رل تے کم کریندا پے ۔ امریکی نشریاتی ادارے دے مطابق انہاں اے گال دہلی اچ بھارت امریکا تعلقات تے اپنڑی پہلی پالیسی تقریر کریندے ہوئیں آکھی ۔ امریکی سفیر آکھیاجو جڈاں انہاں اپنڑے کاغذات سفارت بھارتی صدر رام ناتھ کوں پیش کیتے ہن انہاں میکوں بھارت دا یار قرار ڈتا ہئی اینویں بہوں سارے لوک اکھیندے ہن تے اے میں کیتے اعزاز دی گال ہے ۔
انہاں بھارت امریکہ سٹریٹجک تعلقات دا ذکر کریندے ہوئیں آکھیا جو او ویلھا آگے جو ایں گال کوں یقینی بنڑایا ونجے جو سٹریٹجک رشتے دیرتئیں ثابت تھیون ۔انہاں آکھیا جو اساں آندے سال جنگی طیاریں جدید ترین ہیلی کاپٹراں تے انٹیلی جنس تبادلے دے سلسلے اچ کجھ سودیں دا اعلان کر سگدوں ۔انہاںآکھیا بھارت تے امریکا وچال دفاعی تجارت 15ارب ڈالر ہے اساں اینکوں جاری رکھیسوں ۔
