امریکا اچ غیرقانونی تارکین وطن دے خلاف کارروائی، 21 بندے گرفتار

امریکا اچ غیرقانونی تارکین وطن دے خلاف کارروائی، 21 بندے گرفتار

واشنگٹن (پاکستان نیوزپوائنٹ12جنوری2018ء) امریکا اچ امیگرین اہلکاراں ملک اچ درجناں سیون الیون سٹورز تے چھاپے مار تے اتھاں غیر قانونی طور تے کم کرنڑ آلے 21لوکاں کوں گرفتارکر گھدا ہے ۔ امریکی نشریاتی ادارے دے مطابق سیون الیون امریکا دیاں انہاں کمپنیاں اچوں ہک ہے جیرھا جو امریکا اچ قانونی طور تے کم دا اجازت نامہ نہ رکھنڑ آلیں کوں جزوقتی ملازمت دی پیشکش کریندے ۔

اے چھاپے صدر ٹرمپ دے عہدہ صدارت سنبھالنڑ دے بعد شروع کیتے گے ہن ۔ لاس اینجلس توں نیو یارک تئیں امریکا اچ سیون الیون دے 98 سٹورز تے گزریل ڈینھ چھاپے ماریے گن۔ امیگریشن اینڈ کسٹمز دے ہک اعلیٰ اہلکار ٹھامس ہومین آکھیے جو اے چھاپے امریکہ اچ کاروبار کرنڑ آلیاں انہاں ساریاں کمپنیاں کیتے ہک وارننگ دی حیثیت رکھیندے جیرھا جو غیر قانونی تارکین وطن کوں کم دی پیشکش کریندن۔