کویت اچ ڈرائیونگ لائسنس دی فیس ہک ہزار دینار، تجدیدکیتے پنج سو دینار ڈیونڑے ہوسن

کویت سٹی(پاکستان نیوزپوائنٹ11جنوری2018ء) کویتی رکن پارلیمنٹ صفاءالہاشم آکھیے جو ملک دے لوکاں کولوں نواں ڈرائیونگ لائسنس جاری کرنڑ کیتے ہک ہزار دینار فیس وصول کیتی ویسی۔کویت سٹی اچ میڈیا نال الویندے ہوئیں صفاءالہاشم آکھیے جو غیر ملکی کارکن توں نواں ڈرائیونگ لائسنس جاری کرنڑ کیتے ہک ہزار دینار گھدا ویسی جڈاں جولائسنس دی سالانہ تجدید کیتے 500 دینار فیس گھدی ویسی۔انہاں پارلیمنٹ کوں ملک اچ ٹریفک مسلیاں تے قابو پاونڑ دا مشورہ ڈیندے آکھیے جو ہر ڈوجھی گاڈی رکھنڑ تے غیر ملکی توں 500 دینار سالانہ فیس وی وصول کیتی ونجے۔ جیہڑی گاڈی ڈاہ سال پرانڑی ہووے اوندے کاغذات تجدید نہ کیتے ونجن۔