تہران (پاکستان نیوزپوائنٹ11جنوری2018ء) ایران دے جوہری توانائی محکمہ دے ترجمان بہروز کمالوندی آکھیے جو ایران یورنییم دی افزودگی سمیت سارے جوہری سرگرمیاں کوں معاہدے توں پہلے آلی پوزیشن توں کئی گنا ودھ تکھے انجام ڈیونڑ کیتے پوری طرح تیا ر ہے ۔ ایرانی ذرائع ابلاغ دے مطابق بہروز کمالوندی اے گال ایران ولوں ایٹمی معاہدے دی پابندی کرنڑ دی تصدیق کرنڑ یا نہ کرنڑ بارے اچ امریکی صدر دے ممکنہ اعلان تے تبصرہ کریندے ہوئیں آکھی ۔
ترجمان واضح کیتا جو امریکی صدر ولوں جامع ایٹمی معاہدے دے تحت ایران دے خلاف لاتیاں گیاں پابندیاں کوں معطل رکھنڑ مدت اچ توسیع نہ کرنڑ ایٹمی معاہدے دی خلاف ورزی دے زمرے اچ آسی ایندے خلاف لازمی کارروائی دا حق محفوظ رکھیندے ۔ بہروز کمالوندی ایران دے محکمہ ایٹمی توانائی دے سربراہ علی اکبر صالحی اتے آئی اے ای اے دے ڈائریکٹر جنرل یوکیا آمانو وچال ٹیلی فون تے تھیونڑ آلی گال بات دا حوالہ ڈیندے ہوئیں آکھیا جو ایران واضح کرڈتا جو امریکہ ولوں اپنڑے وعدے پورے نہ کرنڑ دی صورت اچ کہیں کوں اے توقع نی رکھنڑیں چاہیدی جو ایران پچھلے ڈو سال وانگوں آئی اے ای اے دے نال تعاون کریندا رہ ویسی۔
انہاں آکھیا جو ایران کوں توقع ہے جو آئی اے ای اے امریکی صدر ڈونلڈ ٹرمپ کوں ایٹمی معاہدے کو ںسبوتاژ کرنڑ توں روکنڑ دی غرض نال اپنڑاں کردار ادا کریسی۔
