روہنگیا بال ما ءپیو توں انجھ تھی تے میانمار اچ پھس گن ، اقوام متحدہ

اقوام متحدہ (پاکستان نیوزپوائنٹ11جنوری2018ء) اقوام متحدہ آکھیاہے جو روہنگیا دے خلاف میانمار دی فوج دے اپریشن پاروں ساڈھے چی لکھ توں ودھ روہنگیا بنگلہ دیش ہجرت تے مجبور تھے تے ایں دوران 100دے نیڑے بال اپنڑے ماءپیو توں وچھڑ تے میانمار اچ پھس گن ۔اقوام متحدہ دے بالان دی بہبود دے ادارے یونیسیف آکھیا ہے جو ایں بحران پاروں 60 ہزار توں ودھ بال بہوں اوکھے حالات اچ زندگی گزارنڑ تے مجبور ہن ۔مہاجر کیمپاں دی غیر صحت مند صورت حال پاروں اجوکے ہفتے ہنڑ تئیں چا ر بال مر گن ۔