شام وچ قیام امن سانگے امریکا اتے روس وچال مذاکرات ناکام

بیجنگ (پاکستان نیوز پوائنٹ 05ستمبر 2016ء) روس اتے امریکا وچال شام وچ جاری خانہ جنگی کوں مکاونڑ سانگے تھیونڑ آلے مذاکرات بغیر کہیں نتیجے دے مک گئے۔میڈیا رپورٹس دے مطابق چین دے شہر ہانگ زو وچ تھیونڑ آلے جی ٹوئنٹی اجلاس دے دوران امریکی وزیر خارجہ جان کیری اتے انہاں دے روسی ہم منصب سرگئی لاروف سونوار کوں گالھ مہاڑ دا عمل جاری رکھیا ۔ امکان ہاجو مذاکرات وختی کہیں معاہدے تئیں پج ویسن۔ ایہ وی امکان ظاہر کیتا ویندا پیا ہا جو حلب وچ جاری شدید لڑائی کو ں رکوانڑ اتے اتھاں پھسی عوام کوں امدادی سامان پجاونڑ سانگے روس اتے شامی حکومت بمباری بند کرڈیسن تاں جو ایں حوالے نال کوئی پیشرفت نی تھی سگی ۔