مونٹریال (پاکستان نیوزپوائنٹ 02 جنوری 2018ء) کینیڈا اچ پالے دے ودھ ساری لہر تے برف باری پاروں فضائی ٹریفک دا نظام درہم برہم اتے سینکڑاں پروازاں منسوخ تھی گیاں۔ فضائی کمپنیاں سالانہ چھٹیاں مناونڑ آلے مسافراں دی سہولت کیتے ٹکٹ دی تاریخ بدالنڑ دی فیس ختم کرنڑ دا اعلان کیتا ہے ۔کینیڈ ا دے سرکاری حکام دے مطابق نویں سال دے پہلے ڈینھ صرف ٹورانٹو ایئر پورٹ توں پنج سو پروازاں منسوخ کرنڑیاں پیاں ہن تے بئے شہراں مونٹریال، کیلگری اتے آٹوا اچ وی ایجھی صورت حال رہی ۔
ایئر پورٹس دے رن ویز توں برف ہٹاونڑ پاروںسینکڑاں پروازاں تاخیر دا شکار تھی گیاں۔ایئر پورٹس تے پھس ونجنڑ آلے مسافراں کاوڑ دا اظہار کیتا ۔ودھ پالا تے برف باری پاروں فضائی کمپنیاں سمیت بہوں اداریں دے ملازم ویلھے نال دفتر نہ پج سگیے ۔
