عالمی مارکیٹ اچ آندے سال کافی دی پیداوارودھنڑ دا امکان

لندن(پاکستان نیوزپوائنٹ 14دسمبر2017ء) عالمی مارکیٹ اچ آندے سال کافی دی پیداوارپہلے توں بہوں ودھ تھیونڑ دا امکان ظاہر کیتا گئے۔جیندی وجہ ویتنام اتے برازیل اچ کافی دی اعلیٰ پیدا وار بحال تھیونڑ اے۔ہک رپورٹ موجب سال 2018/19 ءاچ عالمی مارکیٹ اچ کافی دی پیداوار 167.3 ملین بوری رہسی جیہڑ پچھلے سال دے مقابلے اچ سٹھ سٹھ کلو دیاں 4.1 ملین بوریاں ودھ ہوسی۔برازیل اچ کافی دی پیداوار سال 2018/19 ءاچ 59 ملین بوری رہسی جیہڑی ایں سیزن اچ 49.2 ملین بوری رہی۔ایوں ہی ویتنام روبسٹا کافی دی وڈی مقدار ڈیونڑ آلا ملک اے جتھاں 29.4 ملین بوری کافی پیداتھیونڑ دا امکان اے جیہڑا رواں سیزن 28.7 ملین بوری ہئی۔رپورٹ موجب ایں عرصے اچ کافی دی عالمی کھپت 163.2 ملین بوری رہسی جیہڑی رواں سیزن 159.7ملین بوری ہے۔