سپین کاتالونیا رہنما دے خلاف گرفتاری دے یورپی وارنٹ ولا گھدن

میڈرڈ (پاکستان نیوزپوائنٹ 06دسمبر2017ء) ہسپانوی حکومت کاتالونیا دے سابق صدر پوج ڈی مونٹ دے خلاف جاری کتیے گئے گرفتاری دے یورپی وارنٹ ولا گھدن۔ عالمی ذرائع ابلاغ موجب سپین دے نیم خودمختار علاقے کاتالونیا ولوں سپین توں انجھ تھیونڑ دے اعلان توں بعد آونڑ آلے بحران توں بچنڑ کیتے پوج ڈی مونٹ آپنڑے سنگتیاں نال بیلجیئم نکل گئے ہن۔ ہسپانوی سپریم کورٹ ہک فیصلے اچ آکھیے جو برسلز اچ موجود رہنماواں 21 دسمبر کوں تھیونڑ آلے انتخابات کیتے وطن ولنر دا اشارہ ڈتے ایں سانگے انہاں دے وارنٹ گرفتاری ولا گھدے ویندن۔واضح راہوے جو کاتالونیا اچ 21 دسمبر کوں علاقائی انتخابات تھیندے پین۔