افغانستان اچ 10لکھ بال غذائی گھٹکی دا شکار ہن ،اقوام متحدہ

افغانستان اچ 10لکھ بال غذائی گھٹکی دا شکار ہن ،اقوام متحدہ

اقوام متحدہ (پاکستان نیوز پوائنٹ 02 ستمبر 2016ء) اقوام متحدہ ولوں جاری ہک رپورٹ دے مطابق افغانستان اچ 10لکھ بال غذائی گھٹکی دا شکار ہن جیں پاروں انہاں اچ بیماریا ں پید ا تھیونڑ دا ڈر ودھ گیا ہے ۔اقوام متحدہ دی اجوکی رپورٹ دے مطابق غذائی گھٹکی افغان بالا دی چپ رہنڑ آلی قاتل ہے ۔ایں رپورٹ دے مطابق ہک ہزار بالاں اچوں55بال پنج سال دی عمر اچ پجنڑ توں پہلے ہی ہلاک تھی ویندے ہن تے انہاں 55بالاں اچوں 85فیصد بال اپنڑی سالگرہ توں پہلے ہی ہلاک تھی ویندے ہن ۔

رپورٹ دے مطابق افغانستان اچ 2.7ملین لوک غذائی گھٹکی دا شکار ہن ۔ایں رپورٹ دے مطابق افغانستا ن اچ صرف 38ایجھے صحت دے ادارے موجود ہن جیرھے جو غذائیت نال جڑی خذمت کریندے ہن ۔افغانستا ن اچ اجوکے سال دے شروع توں ہنڑ تئیں 388بال افغان فوج تے عسکریت پسنداںوچال جھڑپاں اچ ماریے گے ہن۔