اقوام متحدہ (پاکستان نیوزپوائنٹ20نومبر2017ء) اقوام متحدہ دے بالاں دے ڈینھ دے حوالے نال ادارہ یونیسف آکھیا ہے جو افغانستان اچ ساریں توں سنگین مسئلہ بالاں دی تعلیم ہے جتھاں 3.5ملین بال سکولاں توں باہر ہن ۔افغانستان اچ یونیسف دے نمائندے ہک انٹر ویو اچ ڈسایا ہے جو بال سکولاں توں باہر ہن انہاں اچ 75فیصد چھوہریں ہن ،چھوہریں سکول ویندیاں وی ہن تے شروع اچ ہی تعلیم چھوڑ ڈیندیاں ہن ۔
افغانستان اچ ڈوجھا چیلنجنگ مسئلہ بالاں دی وڈی تعداد گھٹکی دا شکار ہے جیں پارں جنگ توں متاثر ایں ملک اچ ہنڑ تئیں سینکڑاں بال جاں بحق تھی گے ہن ۔اجوکے سال 689موت ریکارڈ کیتیاں گن ۔افغانستان دنیا اچ انہاں ترائے ملکاں اچوں ہک ہے جیرھا جو پولیو دے خلاف وی جنگ لڑدا پے ۔اجوکے سال ہنڑ تئیں پولیو دے 10کیس سامنڑے آئے ہن ۔انہاں آکھیا جو او سیکورٹی پاروں ملک دے پرے پرے دے علاقیں تئیں پولیو دی ویکسین دی رسائی ممکن کائنی ۔
