نئی دہلی(پاکستان نیوز پوائنٹ 31اگست 2016ء) امریکی وزیر خارجہ جان کیری بھارتی بیورو کریسی کو ںترقی دی راہ تے روکاوٹاں پیدا کرنڑ دی ماہر قرارڈیندے ہوئیںآکھیا ہے جو بھارت اپنڑی اقتصادی ترقی دی رفتار ایں صورت وچ برقرار رکھ سگدے جڈاں ایندی بیورو کریسی اپنڑاںا یہ کردار ترک کرڈیسی۔ دورہ بھارت دے دوران ہک انجینئرنگ کالج وچ خطاب کریندے ہوئیںانہاں آکھیا رتا فیتہ اتے عدم شفافیت مقامی انٹرپرینورز اتے غیر ملکی سرمایہ کاراں سانگے وڈی رکاوٹ ہیں۔
انہاں آکھیا جو بھارت معیشت دی ترقی دی رفتار کوں برقرار رکھنڑ بارے شکوک وشبہات موجود ہن۔ بھارت وچ بزنس سانگے ماحول کوں چنگا بناونڑ ضروری ہے۔ انہاں آکھیا جوبھارتی وزیراعظم نریندرمودی ملک توں بدعنوانی کوں مکاونڑ سانگے کئی واری وعدے کیتے ہن لیکن عالمی بینک دی ہک رپورٹ وچ بزنس سانگے سازگار ماحول دے حوالے نال پوری دنیا دے ملکاںوچ بھارت ہنڑ تئیں 130 ویں نمبر تے ہے۔ غیر ملکی سرمایہ کاراں دا آکھنڑ ہے جو بدعنوانی ' بیوروکریسی دے عدم تعاون تے مبنی رویئے اتے ناقص قنوناں دے نتیجے وچ انہاں کوں کہیں تنازعے دی صورت وچ لمبی مدتاں سانگے عدالتی کارروائیاں دا سامنڑاں کرنڑ پوندا ہے۔
