جاپان اچ 9بندیں دا قاتل گرفتار ،ہائی سکول دی ترائے طالبات دے قتل دا عتراف

ٹوکیو(پاکستان نیوزپوائنٹ06نومبر2017ء) جاپان اچ نو لوکاں دے قتل دے الزام اچ گرفتار ملزم شیرایشی انکشاف کیتا ہےجو ایں دا شکار بنڑنڑ آلیں اچ ترائے ہائی سکول دی طالبات وی شامل ہن ۔ملزم تفتیش دے دوران ڈسایا جو ایندا کہیں کوں قتل کرنڑ دا کوئی ارادہ کائناں ہئی او صرف خودکشی دا رحجان رکھنڑ آلے لوکاں کوں ٹویٹر نال گول تے انہاں دے منصوبیں تے عمل در آمد اچ انہاں دی مدد کریندا ہئی ۔ملزم ڈسایا جو خود کشی کرنڑ آلے لوکاں کوں عموماً شراب پلا تے یا نندر دیاں گولیاں کھو اونڑ دے بعد انہاں دے گل اچ پھندا پا تے انہاں کوں ہلاک کریندا ہئی بعد اچ انہاں دے جسم دے ٹکڑے ٹکڑے کر تے انہاں کوں اپنڑے گھر اچ لکا ڈیندا ہئی ۔