جنیوا (پاکستان نیوز پوائنٹ 27اگست 2016ء) امریکی وزیر خارجہ جان کیری جنیوا اچ آپنڑیں روسی ہم منصب سیرگئی لافروف نال ملاقات دے بعد آکھیا جو شام اچ صدر بشار الاسد جنگ آلے علاقے حلب اچ فوجی کارروائی جاری رکھنڑتے مْصر ہن ۔ جڈانجو واشنگٹن ماسکو نال رل تے جنگ بندی دا بنیادی فارمولہ طے کیتے جیندے کجھ نکات تے اتفاق رائے حال تھیونڑیں ۔ جان کیری اتے لافروف وچال ڈھا گھنٹے دی گالھ مہار تھیونڑتوں بعد امریکی وزیر خارجہ میڈیا کوں ڈسایا جو روسی وزیر خارجہ سرگئی لاوروف اتے انہاں شام اچ جنگ بندی بارے اگوں ودھنڑ دا واضح اندازہ تھی گئے جڈانجو ہنڑ وی کجھ تفصیلات تے کم کرنڑاں باقی ہے ۔
انہاں آکھیا جو شام اچ جنگ بندی دی بحالی اتے امدادی سامان دی بہوں چنگے طریقے رسائی دے اقدام تے ودھ ساری تکنیکی گالھ مہاڑ پوری تھی گئی ہے ۔ ایں موقعے تے روسی وزیرخارجہ سیرگئی لافروف وی ایں گالھ دی تصدیق کیتی جو امریکا اتے روس ڈوہائیں حلب اچ جنگ بندی دے طریقہ کار دے نیڑے پج گئے ہن،جڈانجو حالی ایں معاہدے کوں اخیری شکل ڈیونڑ باقی ہے ۔
