چین دا مسلمان شہری سائیکل تے ہزاراں کلومیٹر داسفر کرنڑ دے بعد مکہ مکرمہ پج گیا

مکہ (پاکستان نیوز پوائنٹ 25اگست 2016ء) چین دا ہک مسلمان شہری سائیکل تے ہزاراں کلومیٹر دا سفر کرنڑ دے بعد حج سانگے مکہ مکرمہ پج گیا۔سعودی اخبار دی رپورٹ دے مطابق محمد بانا چون دا تعلق چین دے خودمختار علاقے سنکیانگ نال ہے اتے اوہ 8150کلومیٹر دے سفر دے بعد گزریل ڈینھ مکہ پج گئے۔ایں توں پہلے طائف پجنڑ تے مقامی سائیکلنگ کلب انہاں دا شاندار خیرمقدم کیتا،بعد وچ طائف توں کئی بندے سائیکلاں تے انہاں دے کٹھے مکہ سانگے روانہ تھی گئے۔