جنیوا(پاکستان نیوز پوائنٹ 25اگست 2016ء) پوری دنیا وچ جاری سال بے روزگار نوجواناں دی تعدادودھ تے7 کروڑ10 لکھ تئیں پج ویسی۔ ایں گالھ دا انکشاف اقوام متحدہ دی لیبر ایجنسی اپنڑی حالیہ رپورٹ وچ کیتا ہے۔ رپورٹ وچ آکھیا گئے جو 2016ءدے دوران پوری دنیا وچ بے روزگار نوجواناں دی تعداد وچ پنج لکھ تئیں دا ودھار اتھی سگدے جیندے نال نوجواناں وچ بے روزگاری دی شرح ودھ تے 13.1فیصد تئیں پج ونجڑ دا امکان ہے۔
انٹرنیشنل لیبر آرگنائزیشن دے سینئر ماہر اقتصادیات سٹیون ٹوبن دا آکھنڑ ہے جو عالمی سطح تے نوجواناں وچ بے روزگاری دی شرح وچ ودھارے دی وڈی وجہ ابھردی ہوئی معیشتاں دی برآمدات وچ توقعات توں ودھ گھٹکی اتے کئی ترقی پذیرملکاں دی شرح نمو داجمود دا شکار ہونڑ ہے تاں جوآئی ایل او دی رپورٹ مطابق 2017ءدے دوران صورتحال وچ چنگائی دا امکان ہے ۔ رپورٹ وچ خبردار کیتا گیا ہے جو ہک تہائی توں ودھ ملازمت پیشہ نوجوان انتہائی غربت اتے کسمپرسی دی زندگی گزریندے پن ۔ رپورٹ وچ آکھیا گئے جو عرب ریاستاں جیرھیاں زمینی تنازعات داشکار ہن ، انہاں وچ نوجواناں وچ بے روزگاری دی شرح سبھ توں ودھ 30فیصد تون وی ودھ ہے۔
