اٹلی،زلزلے وچ ہلاک تھیونڑ آلیاں دی تعداد ودھ تے160 تھی گئی

روم(پاکستان نیوز پوائنٹ 25اگست 2016ء) اٹلی وچ آونڑ آلے شدید زلزلے وچ ہلاک تھیونڑ آلیاں دی تعداد ودھ تے160 تھی گئی ہے اتے ملبے دے تلے پھسے ہوئے لوکاں اتے لاشاں کوں کڈھنڑ دا کم جاری ہے۔روئٹرز دی رپورٹ دے مطابق اٹلی دے حکام دا آکھنڑ ہے جو ملبے دے تلوںدبے ہوئے لوکوں اتے لاشاں کوں کڈھنڑ داکم بغیر کہیں وقفے دے جاری ہے۔واضح رہوے جو اٹلی وچ چھی اعشاریہ ڈو شدت دے زلزلے ودھ سارے علاقیاں وچ تباہی مچا ڈتی اتے کئی دیہات صفحہ ہستی توںمنڈھوں مک گئے۔2009 وچ وی اٹلی وچ 6.3 شدت دا زلزلہ آیا ہا جیندے وچ 3 سو توں ودھ بندے ہلاک تھی گئے ہن۔