بیلٹ اتے روڈ منصوبہ سانجھی ترقی دا عکاس ،پاکستان دی معیشت اچ چنگائی تھی ہے ،سی پیک اقتصادی ترقی سانگے مزید اہم کردا ر اد کریسی ،وزیر اعظم شاہد خاقان عباسی

اقوام متحدہ (پاکستان نیوزپوائنٹ22ستمبر2017ء) اقوام متحدہ دی جنرل اسمبلی توں خطاب کریندے ہوئیں وزیراعظم شاہدخاقان عباسی آکھیا جو چینی صدر دے بیلٹ تے روڈ منصوبے نال سانجھی ترقی دی عکاسی تھیندی ہے اے ملکاں وچال تعاون دا ہک بہترین ماڈل تے خوشحالی دے تے ترقی دے پاسے ہک پکا رستہ ہے ۔وزیراعظم شاہد خاقان عباسی عالمی رہنماواں کوں ڈسیا جو پاکستان دی معیشت گزریل چال سالاں اچ شاندار بہتری آئی ہے ۔

انہاں آکھیا جو چائنہ پاکستان اکنامک کوریڈور اقتصادی ترقی سانگے اہم کردا ر ادا کریسی ۔انہاں آکھیا جو چین تے پاکستان وچال سانجھے داری ،توانائی تے ٹرانسپوٹیشن توں گھن تے کئی ڈوجھے شعبے تئیں کھنڈ ویسی ۔انہاں آکھیا جو پاکستان 207ملین نینگر اں دی آبادی تے مشتمل ہے او ودھدی ہوئی آمدن تے پیداوار کوں بروئے کار لا تے اقتصادی حکمت عملی دے ذریعے خوشحالی دے پاسے ودھ ویسی ۔