نیویارک/اسلام آباد (پاکستان نیوزپوائنٹ21ستمبر2017ء) عالمی رہنماواں ساری دنیا اچ بالاں تے بالڑیاں کوں تعلیم دی فراہمی سانگے اقدامات دا وعدہ کریندے ہوئیں آکھیا ہے جو ساری دنیا دے مختلف خطے اچ لکھاں بال سکولاں توں باہر ہن تے تعلیمی بحران کوں حل کیتے بغیر اقتصادی ترقی دے اہداف دا حصول نا ممکن ہے ۔اے گالھ اقوام متحدہ دی جنرل اسمبلی دے سالانہ اجلاس دے موقع تے ”فنانسنگ دی فیوچر۔
ایجوکیشن2030“ دے موضوع تے منعقدہ تقریب توں عالمی رہنماواں نال خطاب کریندے ہوئیں آکھی ۔ وادی سوات نال تعلق رکھنڑ آلی نوبل انعام یافتہ پاکستانی طالبہ ملالہ یوسف زئی ایں تقریب اچ شرکت سانگے خصوصی طور تے لند ن توں نیو یارک پجی ہئی ۔اقوام متحدہ دے سیکر ٹری جنرل انتونیوگوئتریش تقریب توں خطاب کریندے ہوئیں آکھیا جو بہتر دنیا تے بہتر مستقبل سانگے تعلیم دے شعبے اچ سرمایہ کاری توں چنگی گالھ کوئی تھی وی نی سگدی ۔
انہاں آکھیا جو میکوں ایں گالھ تے فخر ہے جو او ہک استاد رہ گے ہن تے انہاں کئی سالاں پہلے ترتگال دے دا رالحکومت لزبن دیاں کچیاں وستیاں اچ قائم سکولاں اچ ایں گالھ دا مشاہدہ کیتا جو غربت دے خاتمے تے ترقی سانگے تعلیم کتنی ضروری ہے تے اے بنیادی انسانی حقوق اچ کیوں شامل ہے ۔وادی سوات نال تعلق رکھنڑ آلی نوبل انعام یافتہ ملالہ یوسف زئی مذاکرے توں خطاب کریندے ہوئیں آکھیا جو دنیا دے کئی خطے اچ چھوہریں دی تعلیم اچ اوکھ موجود ہے جیں اچ غربت ،جنگ تے بحراناں تے چھوٹی عمر دیاں شادیاں قابل ذکر ہن ۔
انہاں آکھیا جو اقوام متحدہ صنفی مساوات تے تعلیم سمیت کئی شعبے اچ ترقی دے وڈے وڈے اہداف مقرر کیتے ہن تاں جو اے گالھ سمجھنڑیں چاہیدی ہے جو جڈاں تئیں اساں چھوہریں کوں تعلیم دا حق نہ ڈیسوں ایں وقت تئیں اے اہداف حاصل کائنی کیتے ونج سگدے ۔تقریب توں برطانیہ دے سابق وزیراعظم گورڈ براﺅن سمیت سارے عالمی رہنماواں خطاب کیتا ۔بھارت دی ادارہ پریانکا چوپڑا جیرھی جو یونیسیف دی خیر سگالی سفیر وی ہے ،اپنڑے خطاب اچ تعلیم دے ودھارے سانگے اقدامات دا دائرہ وسیع کرنڑ دی ضرورت تے زور ڈتا ۔
