وزیراعظم شاہد خاقان عباسی نال نوبل انعام یافتہ ملالہ یوسف زئی دی ملاقات تعلیم دا ودھاراموجودہ حکومت دی پہلی ترجیح ہے، رل تے کم کرنڑ سانگے چارے صوبے دے وزیراعلیٰ کوں خط لکھیا ہے وزیراعظم شاہد خاقان عباسی دی ملالہ یوسفزئی نال گالھ مہاڑ

نیویارک (پاکستان نیوزپوائنٹ21ستمبر2017ء) وزیراعظم شاہد خاقان عباسی نال نیویارک اچ نوبل انعام یافتہ ملالہ یوسف زئی ملاقات کیتی ہے۔ وزیراعظم آفس توں جاری بیان دے مطابق وزیراعظم نال ملاقات دے دوران ملالہ یوسف زئی وزیراعظم کو ںپاکستان اچ تعلیم خصوصاً تریمتاں دی تعلیم دے ودھارے سانگے اپنڑیاں کوششاں بارے ڈسایا ۔انہاں امید ظاہر کیتی جو وزیراعظم شاہد خاقان عباسی پاکستان اچ تعلیم دے چیمپئن ثابت تھیسن ۔

وزیراعظم شاہد خاقان عباسی آکھیا اچ تعلیم خصوصی طور تے بالڑیاں دی تعلیم دے ودھارے سانگے ملالہ یوسف زئی دیاں کوششاں دی تعریف کیتی تے آکھیا جو تعلیم دا ودھارا موجود ہ حکومت دے ایجنڈے اچ پہلی ترجیح ہے ۔تعلیم اچ سرمایہ کاری دے بغیر کوئی وی سرمایہ کاری منافع بخش کائناں ہوسی ۔انہاں آکھیا جو گزریل چار سالاں دے دوران تعلیم دے شعبے اچ بہتری تے موجود حکومت دی ترجیحات دا ثبوت ہے ۔

وزیراعظم آکھیا جو میں چارے صوبے دے وزیرا علیٰ کوں خط لکھیا ہے جو آﺅ تعلیم دے ودھارے سانگے رل تے کم کروں ۔وزیراعظم پنجاب اچ تعلیم دے میدان اچ شاندار کاکردگی تے حکومت پنجاب دی تعریف کیتی تے آکھیا جو پنجاب حکومت ڈی ایف آئی ڈی دے نال رل تے صوبے اچ تعلیم کوں ودھارا ڈتا ہے جیں دے نتیجے اچ سکولاں اچ انرولمنٹ اچ ودھارا تھیا ہے ۔انہاں آکھیا جو حکومت ہنڑ تعلیم دے نصاب تے توجہ ڈیندی پئی ہے جیں اچ تاریخ ، میتھمیٹکس اتے سائنس دے شعبے شامل ہن جیں دے ذریعے طالب علماں دی تحقیق تے تجزیاتی صلاحیت اچ نکھا ر آ ویسی۔ وزیراعظم آکھیا جو حکومت این جی اوز اتے صوبائی حکومتاں دے نال رابطے اچ ہے تاں جو انہاں دے مقاصد کوں حاصل کیتا ونج سگے ۔