اقوام متحدہ (پاکستان نیوزپوائنٹ20ستمبر2017ء) وزیراعظم شاہد خاقان عباسی اقوام متحدہ دی جنرل اسمبلی دے اجلاس دے موقع تے ایران دے صدر موقع تے ایران دے صدر محمد حسن روحانی منگل کوں نیویارک اچ اہم ملاقات کیتی۔ ڈوہیں رہنماواں سانجھے تعلقات کوں مزید مضبوط بنڑاونڑ دے علاوہ علاقائی امن تے استحکام تے گالھ مہاڑ کیتی ۔وزیراعظم پر امن ہمسائیگی پالیسی دااعادہ کریندے ہوئیں ایں موقع تے آکھیا جو پاکستان ایران دے نال اپنڑے تعلقا ت دی مضبوطی سانگے پر عزم ہے ۔
انہاں آکھیا جو ایران تے پاکستان وچال تعلقات ہک تاریخ تے ثقافت تے عوام نال عوام دے تعلقات ہن ۔ ایرانی صدر محمد حسن روحانی پاکستان دے نال تعلقات کوں مزید مضبوط کرنڑ دے عزم دا اظہار کریندے ہوئیں آکھیا ہے جو ڈوہیں ملکاں کوں بارڈر مینجمنٹ ،تجارت تے سرمایہ کاری دے شعبے اچ مزید پیش رفت سانگے رل تے کم کرنڑاں چاہیدا ہے ۔وزیراعظم شاہد خاقان عباسی مقبوضہ کشمیر دے عوام دے حق خود ارارادیت دے حصول سانگے جائز تے مبی بر حق جدو جہد تے ایران دی مسلسل مدد تے شکریہ ادا کیتا ۔
ڈوہیں رہنماواں افغانستان اچ امن تے استحکام سانگے کوششاں تے گالھ مہاڑ کیتی تے افغانستان دے جھیڑے دا کئی فوجی حل کائنی ۔افغانستان اچ امن دی قیام سانگے کوششاں تے تبادلہ خیال کیتا۔افغانستان اچ مستقل امن دے قیام سانگے مذاکرات دے ذریعے ہی مسئلے دا حل کڈھیا ونج سگدا ہے ۔ڈوہیں رہنماواں ایں گالھ تے زور ڈتا جو افغانستان اچ ودھدے ہوئے عدم استحکام دی وجہ توں پڑوسی ملکاں تے ایندے تے ودھ سارے اثرات پے ہن ،افغان جھیڑے دے حل سانگے علاقائی اپروچ اختیار کرنڑ دی ضرورت ہے ۔
وزیراعظم شاہد خاقان عباسی اتے ایرانی صدر حسن روحانی روہنگیا دے مسلماناں تے ودھ سارے ظلم تے ودھ ساری تشویش دا اظہار کیتا تے عالمی برادری توں مطالبہ کیتا ہے جو او روہنگیا دے مسلماناں دی حالت زار تے وختی اقدامات کرے ۔
