موصل دی بازیابی دی لڑائی، لکھاں بندے بے گھر تھی سگدن ، اقوام متحدہ

اقوام متحدہ ۔ 24 اگست (اے پی پی) اقوام متحدہ دے ادارہ برائے مہاجرین یو این یچ سی آر آکھیا اے جو عراق دے ڈوجھے وڈے شہر موصل دی بازیابی دی لڑائی دے نتیجے وچ ہزاراں بندیاں کوں بے گھر تھیونڑ دا سامنڑاں تھی سگدے ۔جرمن ذرائع ابلاغ دے مطابق ادارے دے ترجمان واضح کیتا جو موصل دی لڑائی دے دوران بے گھر بندیاں دی وڈی تعداد موجودہ صورت حال کوں ہور زیادہ خراب کر ڈیسی۔ ترجمان دے مطابق باراں لکھ بندیاں دے اجڑن دا امکان رد نی کیتا ونج جا سگدا۔ ڈوجھے پاسے عراقی فوج موصل کوںداعش دے قبضے توں چھڑاونڑ سانگے القیارہ دے شہر کوں ابتدائی تیاریاں سانگے منتخب کیتا گئے۔ القیارہ کوں بازیاب کراونڑ سانگے شہر وچ عراقی فوج داخل تھی گئی ہے۔