سعودی عرب وچ مسیت تے حملے دی کوشش، حملہ آور ہلاک

ریاض (پاکستان نیوز پوائنٹ 24اگست 2016ء) سعودی عرب دے مشرقی علاقے قطیف وچ سکیورٹی فورسز ہک مسیت تے حملے کوں ناکام بنڑا ڈتا ۔برطانوی نشریاتی ادارے دے مطابق قطیف دے ہک دیہات امہ الحمام وچ سکیورٹی فورسز دی فائرنگ نال ہک مشتبہ حملہ آور ماریا گیا۔ سکیورٹی فورسز آکھیا اے جو ہک حملہ آور دی ہلاکت دے علاوہ ہک کوں زندہ گرفتار کیتا گئے ۔عرب نیوز آکھیا اے جو مارے ونجنڑ آلے حملہ آور بارود نال بھری جیکٹ پاتی ہوئی ہائی۔کجھ اطلاعات دے مطابق گرفتار اتے ہلاک تھیونڑ آلے مشتبہ حملہ آور دا تعلق سعودی عرب نال کائناں ہائی تاں جو انہاں اطلاعات دی وی تصدیق نی تھئی ۔