پاکستانی حاجیاں دا روضہ رسولﷺ تے حاضری سانگے مدینہ منورہ آمد دا سلسلہ جاری ہے،حاجیاں سانگے مسیت نبوی دے نیڑے مرکزیہ اچ فور اتے فائیو سٹار ہوٹلاں اچ رہائش دا بندوبست پاکستانی حاجیاں حکومت ولوں کیتے گے انتظامات تے اطمینان دا اظہار کیتا ،ڈپٹی ڈائریکٹر حج فاروق رشید

پاکستانی حاجیاں دا روضہ رسولﷺ تے حاضری سانگے مدینہ منورہ آمد دا سلسلہ جاری ہے،حاجیاں سانگے مسیت نبوی دے نیڑے مرکزیہ اچ فور اتے فائیو سٹار ہوٹلاں اچ رہائش دا بندوبست پاکستانی حاجیاں حکومت ولوں کیتے گے انتظامات تے اطمینان دا اظہار کیتا ،ڈپٹی ڈائریکٹر حج فاروق رشید

مدینہ منورہ (پاکستان نیوزپوائنٹ13ستمبر2017ء) پاکستانی حاجیاں دی فریضہ حج دی ادائیگی دے بعد روضہ رسول ﷺ تے حاضری سانگے مکے تے مدینہ منورہ آمد دا سلسلہ جاری ہے ۔ڈپٹی ڈائریکٹر حج فاروق رشید ہک انٹر ویو اچ ڈسایا جو فریضہ حج دی ادائیگی دے بعد 60ہزار پاکستانی حاجی مدینے اچ روضہ رسول ﷺ دی زیادت کریسن تے انہاں کوں سہولتاں سانگے ہر ممکن اقدامات کیتے ویسن جیں سانگے ودھ سارے انتظامات کیتے گے ہن ۔

انہاں آکھیا جو میڈیکل مشن سمیت پاکستان ہاﺅس اچ مختلف شعبے کوں فعال رکھیا گیا ہے تاں جو پاکستانی حاجیاں کوں کہیںوی قسم دی ضرورت ہووے تاں پورا کیتا ونج سگے ۔انہاں آکھیا جو پاکستانی حاجیاں سانگے مرکزیہ اچ فورتے فائیو سٹا رہائش دا بندوبست کیتا گیا ہے جیرھاجو مسیت نبوی دے بہوں نیڑے ہے ۔انہاں آکھیا جو ایجھے حاجیاں کوں خصوصی پیکیج ڈتا ویندا پیا ہے جنہاں دی رہائش مرکزیہ اچ کائنی ۔ایندے اچ 350ریال دی واپسی تے مسیت نبوی تے مدینہ اچ بیاں زیارتاں تئیں ٹرانسپورٹ دی فراہمی شامل ہے ۔