ترک صدر رجب طیب اردوان دی امریکی صدر ڈونلڈ ٹرمپ نال ٹیلی فون تے گالھ مہاڑ

انقرہ(پاکستان نیوزپوائنٹ11ستمبر2017ء) ترکی دے صدر رجب طیب اردوان قزاخستان اچ امریکی صدر ڈونلڈ ٹرمپ نال ٹیلی فون تے گالھ مہاڑ کیتی ہے ۔صدر رجب طیب اردوآن امریکی صدر ڈونلڈ ٹرمپ توں علاقائی سلامتی دے موضوع تے ٹیلی فون تے گالھ مہاڑ کیتی ہے ۔ترک خبررساں ادارے دے مطابق گالھ مہاڑ دے دوران علاقائی سیکورٹی کوں چنگاں بنڑاونڑ تے مغربی دفاعی اتحاد نیٹو دے نال رابطے دے حوالے نال گالھ مہاڑ کیتی ۔ترک صدر دے نال گالھ مہاڑ کریندے ہوئیں ٹرمپ ایں گالھ تے زور ڈتا جو ترکی تے امریکہ کوں علاقائی استحکام سانگے سانجھے طور تے اقدامات کرنڑیں ہوسن ۔مبصرین اے ٹیلی فونک رابطہ تے امریکہ تے ترکی وچال سانجھے تعلقات اچ گرمجوشی گھٹ تھیونڑ دے تناظر اچ اہم قرار ڈتا ہے ۔