ایشین کرنسی مارکیٹ وچ ڈالر دی شرح تبادلہ وچ گھٹکی

ٹوکیو (پاکستان نیوز پوائنٹ 23اگست 2016ء) ایشین کرنسی مارکیٹ وچ ڈالر دی شرح تبادلہ وچ گھٹکی تھئی جیندی وجہ امریکی فیڈرل ریزرو چیف دے پالیسی بیان دے انتظار وچ سرمایہ کاراں دی محتاط تجارتی سرگرمیاں ہن۔ٹوکیو مارکیٹ وچ ین دے مقابلے وچ ڈالر دی شرح تبادلہ گزریل ڈینھ نیویارک دی شرح 100.32 ین فی ڈالر توں گھٹ تھی تے 100.22 ین فی ڈالر تے آگئی۔ڈالر دے مقابلے وچ یورو دی شرح تبادلہ وچ وی ودھارا تھیا جیرھا جو 1.1322 ڈالر فی یورو توں ودھ تے 1.1330 ڈالر فی یورو تے آگئی تاں جو ین دے مقابلے وچ یورو 113.58 ین فی یورو توں ڈھہ تے 113.55 ین فی یورو تے آگیا۔