متحدہ عرب امارات اچ غریب بالاں دے تعلیمی خرچے پورے کرنڑ سانگے مختلف سکولااں سانگے امدادی رقم جاری

دبئی(پاکستان نیوز پوائنٹ 23اگست 2016ء) متحدہ عرب امارات دے محکمہ اوقاف غریب بالاںدے تعلیمی خرچے پورے کرنڑ سانگے مختلف سکولاں سانگے امدادی رقماں جاری کر ڈتیاں ،عرب خبر رساں ادارے دے مطابق متحدہ عرب امارات دے نیشنل چیرٹی سکولاں اچ غریب بالاں دے تعلیمی خرچے پورے کرنڑ سانگے ڈتی گئی امداد دی رقم نال انہاں دے ماءپیو تے خرچے گھٹ تھی ویسن ۔واضح رہے جو متحدہ عرب امارات اچ غریب شہریاں دی امداد سانگے محکمہ اوقاف توں فنڈز جاری کیتے ویندے ہن تے لوکاں کوں منگنڑ توں بچاونڑ سانگے ہک طریقہ کار بنڑایا گیا ہے جیں دے تحت محکمہ اوقاف امارات اچ موجود غریب لوکاں دی مدد کریندے ۔