اسلام آباد (پاکستان نیوز پوائنٹ 19اگست 2016ء) اقوام متحدہ دے سیکرٹری جنرل بان کی مون علاقائی امن و استحکام اتے مسئلہ کشمیر دے پرامن حل کیتے پاکستان دیاں کوششاں دی تعریف کریندے ہوئیں آکھے جو اقوام متحدہ مسئلہ کشمیر کوں مذاکرات نال حل کراونڑ اتے گالھ مہاڑ سانگے آپنڑاں کردار اداکرنڑ سانگے تیار ہے، ڈوہائیں ملکاں وچال کشمیرسمیت سارے تنازعات گالھ مہاڑ نال حل کیتے ونج سگدے ہن ۔
علاقائی امن اتے استحکام کیتے مسئلہ کشمیردا حل بہوں لازمی ہے ۔ جمعے کوں دفتر خارجہ دے ترجمان دے مطابق انہاں اے گالھ وزیراعظم نوازشریف دے خط دے جواب اچ آکھی جیندے اچ قوام متحدہ دی توجہ مقبوضہ کشمیراچ جاری ظلم وستم آلے پاسے ڈیوائی گئی ہے ۔ انہاں آکھیا جو پاکستان اتے بھارت کوں پرانڑیں مسئلے گالھ مہاڑ نال حل کرنڑ یں چاہیدے ہن ۔سیکرٹری جنرل آکھیا جو اقوام متحدہ ایں بارے فریقین نال تعاون کرنڑ سانگے تیا ر ہے ۔
