بھارتی ریاست بہار اچ زہریلی شراب دے واقعے دے بعد 25 پولیس اہلکار معطل

پٹنہ (پاکستان نیوز پوائنٹ 19اگست 2016ء) بھارتی ریاست بہار اچ زہریلی شراب دے واقعے پاروں 25 پولیس اہلکاراں کوںمعطل کر ڈتا گئے ۔ بھارتی ذرائع ابلاغ دے مطابق سینئر پولیس حکام آکھیاجو انہا پولیس اہلکاراں کوںزہریلی شراب دی پیداوار اتے ایندی وکری کوں روکنڑ اچ ناکامی پاروں معطل کیتا گئے ۔ انہاں آکھیا جو ایں بارے 6 بندیاں کوں گرفتار وی کیتا گئے ۔ یاد ہووے جو کجھ ڈینھ پہلے ریاست بہار اچ زہریلی شراب پیونڑ دے نتیجے اچ 17 بندے مر گئے ہن ۔