بھارتی ریاست کرناٹک اچ گائیں دے وپاری کوں ہلاک کرنڑ دے الزام اچ 17 افرادگرفتار

نئی دہلی (پاکستان نیوز پوائنٹ 19اگست 2016ء) بھارت دی جنوبی ریاست کرناٹک اچ پولیس مبینہ طور تے گائیں دے وپاری کوں ہلاک کرنڑ دے الزام اچ 17 افراد کوں گرفتار کرگھدا۔ برطانوی نشریاتی ادارے دے مطابق بی جے پی نال تعلق رکھنڑآلے پروین پجاری اتے اکشے دیوادیگا گاڈی اچ ترائے وچھے گھن تے ہبری ناں دے دیہات اچوں لنگھدے پئے ہن تاں 17 بندیاں انہاں تے تیز دھار ہتھیاراں نال حملہ کیتا۔جیندے نتیجے اچ پروین پجاری ہلاک تھی گیا،جڈانجو ایندا ساتھی ہسپتال اچ زیرِ علاج ہے۔پولیس حکام دے مطابق ایں بارے 17 بندیاں کوں حراست اچ گھن گھدے ۔ ایں توں پہلے اترپردیش، گجرات اتے مدھیہ پردیش اچ وی گئوں دے ناں تے مسلماناں اتے دلتاں کوں نشانہ بنڑاونڑ دے واقعے تھئے ہن ۔