واشنگٹن(پاکستان نیوز پوائنٹ 19اگست 2016ء) امریکہ سوشل میڈیا تے 4 سالہ شامی زخمی بال دی قا بل رحم حالت آلی تصویر تے ودھ سارے ڈکھ دا اظہار کریندے ہوئیں آکھے جو اے تصویر شا م اچ جنگ دیاں تباہ کاریاں اتے درپیش صورتحال دی حقیقت کوں ظاہرکریندی ہے ۔ جمعے کوں ذرائع ابلاغ امریکی محکمہ خارجہ دے ترجمان جان کربی دے حوالہ نال ڈسایا جو مٹی اتے خون اچ لتھڑے شام دے ایں نِکے بال آپنڑیں زندگی اچ جنگ ،اموات، غربت اتے تباہ کاریاں دے سوا کجھ کائنی ڈیٹھا اتے ایں بال دی سوشل میڈیا تے گردش کرنڑآلی تصویر ہی شا م اچ جنگ دیاں تباہ کاریاں اتے درپیش صورتحال کوں ظاہر کریندی ہے ۔
امریکی محکمہ خارجہ دے ترجمان جان کربی معمولی دی سفارتی بریفنگ توں ہٹ تے رپوٹر توں شام دے زخمی بال دی تصویر بارے باقاعدہ طورتے پوچھیا اتے آکھیا جو اے تصویر شام دی صورتحال توں اساکوں واضح آگاہی ڈیندی ہے ۔
