جرمن چانسلر دی جماعت افغان مہاجراں دی ملک بدری دی تائید کر ڈتی

برلن (پاکستان نیوزپوائنٹ11اگست2017ء) جرمن چانسلر انجیلا مرکل دی سیاسی جماعت سی ڈی یو دے ارکان افغانستان نال تعلق رکھنڑ آلے پناہ دے مسترد درخواست گذاراں کوں جرمنی توں واپس افغانستان ملک بدر کرنڑ دے منصوبے دی تائید کر ڈتی ۔ جرمن نشریاتی ادارے دے مطابق جرمنی دی وفاقی وزارت خارجہ دے ترجمان مارٹن شیفر آکھیا ہے جو افغانستان اچ جاری کئی مسلح جھیڑے نال عام شہریاں دیاں جاناں کوں خطرہ کائنی ایں سانگے مخصوص حالات دے تحت افغان تارکین وطن کوں جرمنی توں ملک بدر کرتے واپس افغانستان بھیجنڑ دا سلسلہ جاری رکھیا ویسی۔