4,47,300 عازمین حج سعودی عرب پج گن

ریاض (پاکستان نیوزپوائنٹ11اگست2017ء) سعودی عرب اچ سرکاری اعداد و شمار دے مطابق ہنڑ تئیں 4 لکھ 47 ہزار 300 عازمین حج مملکت پج گے ہن ۔ العربیہ ٹی وی دے مطابق سعودی جنرل ڈائریکٹوریٹ آف پاسپورٹس ولوں جاری کیتی گی یومیہ رپورٹ اچ ڈسایا گیا ہے جوہنڑ تئیں 445390عازمین فضائی رستے توں جڈاں جو 1910عازمین زمینی رستے توں مملکت پجے ہن ۔ڈائریکٹوریٹ دے مطابق گزریل سال ایں عرصے دے دوران سعودی عرب آونڑ آلے عازمین دی تعداد اچ 13.4فیصد دا ودھار ا ڈٹھا گیا ہے ۔مختلف ذرائع توں مملکت پجنڑ آلے اللہ سئیں دے مہماناں دے استقبال سانگے متعلقہ سارے اداریں اپنڑی تیاری پوری کرگھدی ہے تے انہاں عازمین حج دے پجنڑ کوں سوکھا بنڑاونڑ دے واسطے اقدامات تے عمل درآمد جاری ہے ۔