اسرائیل دا قطری ٹی وی الجزیرہ تے پابندی لاونڑ دا منصوبہ

مقبوضہ بیات المقدس (پاکستان نیوزپوائنٹ7اگست2017ء) اسرائیل حکام قطری نشریاتی ادارے الجزیرہ ٹیلی وژن تے پابندی لاونڑ دا فیصلہ کیتا ہے ۔جرمن خبر رساں ادارے دے مطابق ٹیلی مواصلات دے اسرائیلی وزیر ایوب کارا آکھیا ہے جو الجزیرہ ٹی وی نیٹ ورک کوں جاری کیتا گای پریس معاہدہ منسوخ کر ڈتا ویسی ۔جیں دے تحت عرب نشریاتی ادارے کوں اسرائیل اچ کم کرنڑ دی اجازت ڈتی گی ہئی ۔ایں اقدام دے بعد الجزیرہ ٹی وی اسرائیل اچ کم کائناں کرسگسی۔ایندے توں پہلے سعودی عرب، بحرین، متحدہ عرب امارات اتے مصر الجزیرہ نیٹ ورک تے اپنڑے ہاں پابندی لارکھی ہے۔