مالے (پاکستان نیوزپوائنٹ 27جولائی2017ء) وزیر اعظم محمد نواز شریف مالدیپ دا ترائے ڈینھ دا سرکاری دورہ پورا کرنڑ دے بعد خمیس کوں وطن واپس تھی گے ہن ۔ مالے دے ویلاناانٹرنیشنل ایئرپورٹ تے مالدیپ دے صدر عبداللہ یامین عبدالقیوم، خاتون اول اتے کابینہ دے ارکان وزیر اعظم کوں پرتپاک انداز اچ رخصت کیتا، انہاں دورے دی تصاویر تے مبنی البم وی پیش کیتا گیا ۔
دورے دے دوران بیگم کلثوم نواز ، وزیر اعظم دے مشیر خارجہ امور سرتاج عزیزاتے اعلیٰ حکام وی وزیر اعظم دے نال ہن۔ وزیر اعظم کوں مالدیپ دے 52 ویں یوم آزادی دی تقریبات اچ بحثیت مہمان خصوصی شرکت سانگے ایں دورے دی دعوت مالدیپ دے صدر عبداللہ یامین عبدالقیوم ڈتی ہئی۔ وزیر اعظم یوم آزادی دی تقریبات اچ شرکت دے علاوہ مالدیپ دے صدر نال باضابطہ مذاکرات وی کیتے ۔ایں موقع تے دوہیں ملکاں وچال تجارت، سیاحت، ماحولیاتی تبدیلی، تعلیم سمیت مختلف شعبیں اچ تعاون دیاں کئی یادداشتاںتے دستخط وی کیتے گے ہن۔ وزیر اعظم دے دورے دے اختتام تے مشترکہ اعلامیہ وی جاری کیا گیا ۔
