کابل (پاکستان نیوزپوائنٹ 26جولائی2017ء) ذرائع ابلاغ تے نگاہ رکھنڑ آلے ہک گروپ آکھیا ہے جو ایں سال افغانستان اچ طالبان اتے داعش دے وفادار جنگجوواںدے شدت پسند حملے اچ ہنڑ تئیں 10 صحافی ماریے گے ہن۔ امریکی ذرائع ابلاغ دے مطابق افغان صحافیاں دے تحفظ دی کمیٹی (اے جے ایس سی) کابل اچ جاری ہک رپورٹ اچ آکھیا ہے جو2017ءدے پہلے چھی مہینے دے دوران تھیونڑ آلیاں تشدد دیاں کاروائیاں اچ 12 صحافی زخمی تھے۔
گروپ دے سربراہ نجیب شریفی اخباری نمائندیں کوںڈسایا جو او صحافیاں دے خلاف پرتشدد کارروائیاں دے 73 واقعات دا انہاں کوں پتہ ہے، جیرھے جو 2016ءاچ ایں دوران دے مقابلے اچ 35 فیصد ودھارا ہے ۔ انھاں آکھیا جو پرتشدد کارروائیاں اچ صحافیاں دا قتل، مار پٹائی، زخمی کیتے ونجنڑ، تذلیل، ڈراونڑ تے دھمکاونڑ تے انہاں کوں حراست اچ گھدے ونجنڑ دے واقعات شامل ہن ۔ شریفی توجہ ڈیوائی جو ہلاک تھیونڑ آلے یا تاں دہشت گرد گروپاں دا براہ راست نشانہ بنڑیے یا ولا دہشت گرد حملے پاروں اپنڑی زندگی توں ہتھ دھو بیٹھے ،انہاں آکھیا جو اتھاں ہر ڈینھ دہشت گرد گروپاں ولوں صحافیاں کوں دھمکیاں ڈتیاں ویندیاں ہن ۔
