یمن اچ ہیضے توں متاثرہ لوکاں دی تعداد 7 لکھ تھی سگدی ہے، آئی سی آر سی

جنیوا (پاکستان نیوزپوائنٹ 24جولائی2017ء) انٹرنیشنل کمیٹی آف ریڈ کراس انتباہ جاری کیتا ہے جو یمن اچ ممکنہ طور تے ہیضے توں متاثرہ لوکاں دی تعداد سال دے چھیکڑ تئیں 7لکھ توں ودھ تھی سگدی ہے ۔عالمی ذرائع ابلاغ دے مطابق یمن اچ تقریباً 3 لکھ 70 ہزارلوک ہیضے دے مرض اچ لاحق تھیونڑ دا ڈر ظاہر کیتا گیا ہے ۔ ملک اچ طویل خانہ جنگی دی وجہ توں حفظان صحت دی صورت حال وگڑ گی ہے۔ملک اچ نصف توں ودھ طبی مراکز فعال کائنی رہیے تے کوڑا کرکٹ اتے نکاسی آب دے نظام وی ضرورت توں گھٹ ہن۔بین الاقوامی کمیٹی آف ریڈ کراس دے صدر پیٹر موئرر ہک بیان اچ آکھیا ہے جو ہیضے دی وبا کوں روکنڑ ممکن ہے اے انساناں دی پیدا کردہ تباہی ہے ۔انہاں بین الاقوامی برادری توں مدد دی اپیل کیتی ہے ۔