ایران میزائل پروگرام تے مذاکرات کائناں کریسی، بریگیڈیئر جنرل محمد علی جعفری

تہران (پاکستان پوائنٹ نیوز20جولائی2017) ایران دے چیف کمانڈر، بریگیڈیئر جنرل محمد علی جعفری آکھیا ہے جو ملک دی میزائل طاقت بارے اچ کہیں نال سمجھوتے تاں پرے دی گالھ ہے مذاکرات وی کائناں کریسوں۔ایرانی خبر رساں ادارے دے مطابق گزریل ڈینھ مشہد مقدس اچ اعلی فوجی کمانڈراں توں خطاب کریندے ہوئیں بریگیڈیئر جنرل محمد علی جعفری آکھیا جو ایران دی زمینی، فضائی اتے سمندری میزائل طاقت اچ تکھے ڈینھوں ڈینھ ودھارا تھیندا پیا ہے ۔انہاں میزائل طاقت کوں ملکی دفاع دی مستحکم فصیل قرارڈیندے ہوئیں آکھیا جو شام اچ داعش دہشت گرداں دے ٹھکانڑیں تے جیرھے میزائل داغے گے ہن انہاں دی تعداد اچ مسلسل ودھارا کیتا ویندا پیا ہے ۔