تہران (پاکستان پوائنٹ نیوز20جولائی2017) صدر مملکت ڈاکٹر حسن روحانی آکھیا ہے جو عالمی قوانین اتے ضابطے کوں پامال کرنڑ آلا ملک امریکہ کوں دنیا اچ انسانی حقوق ،انصاف تے امن دی گالھ کرنڑ دا حق حاصل کائنی ۔ایرانی خبر رساں ادارے دے مطابق گزریل ڈینہاں تہران اچ کابینہ دے اجلاس توں خطاب کریندے ہوئیں صدر ڈاکٹر حسن روحانی آکھیا ہے جو امریکہ پیرس معاہدے ،باکو شمال مشرقی امریکہ دے معاہدے سمیت عالمی قنون دیاں دجھیاں اڈیندا پیا ہے اینکوںنہ تاں انسانی حقوق دی گالھ دا حق حاصل ہے نہ ہی انصاف اتے عالمی سلامتی تے استحکام دی دھاں ڈیونڑ دا حق حاصل ہے ۔
حسن روحانی عالمی معاہدے بارے غلط رویے دے پاسے اشارہ کریندے ہوئیں آکھیا جو جیں ملک دیاں پالیسیاں اچ خود ہے استحکام نہ ہووے تے او عالمی قنون تے ضابطے کوں پامال کریندا پیا ہووے او دنیا کوں امن تے سلامتی اتے استحکام دی دعوت کیویں ڈے سگدا ہے ۔صدر ڈاکٹر حسن روحانی آکھیا جو ایران کوں جامع ایٹمی معاہدے دی خلاف ورزی دا ذمہ دارقرار ڈیونڑ دی امریکی سازش ناکام تھی گی ہے کیوں جو ایران سارے بین الاقوامی معاہدے دا پابند رہیا ہے تے او انہاں معاہدے تے کاربند رہ ویسی ۔انہاں ایں گالھ تے زور ڈتا جو امریکہ ولوں کہیں وی بہانے نال ایران دے خلاف پابندیاں لاونڑ د اایران دے عوام کوں مناسب جواب ڈیسن ۔
