سعودی حکومت غیرملکی لوکاں سانگے سیاحتی ویزیں دے اجرا دی منظوری ڈے ڈتی

ریاض (پاکستان پوائنٹ نیوز20جولائی2017) سعودی عرب دی وزارت سیاحت قومی ورثہ اتھارٹی غیر ملکی باشندیں کوں ویزے جاری کرنڑ دی با ضابطہ منظوری ڈے ڈتی ہے ۔آندے ڈینہاں اچ وزارت خارجہ تے وزارت داخلہ امور ولوں وی اایندی منظوری ڈتے ڈتی ویسی ۔العربیہ ٹی وی دے مطابق وزارت سیاحت ولوں جاری بیان اچ آکھیا گیا ہے جو سعودی عرب اچ سیر و سیاحت دی غرض نال آونڑ دے خواہش مند غیر ملکیاں کوں مخصوص زمانی تے مکانی شیڈول دے مطابق سیاحتی ویزے جاری کیتے ونجنڑ دی منظوری ڈتی گی ہے ۔اے ویزے ساحتی کمپنیاں دے توسط نال جاری کیتے ویسن ۔واضح رہے جو سعودی عرب غیر ملکی لوکاں سانگے سیاحتی ویزیں دا اجرا قومی اقتصادی تبدیلی دے پروگرام 2020دا حصہ ہے ۔