سارے سعودی ادارے حاجیاں دے غلام بنڑ تے کم کرین، شاہ سلمان

سارے سعودی ادارے حاجیاں دے غلام بنڑ تے کم کرین، شاہ سلمان

ریاض (پاکستان نیوزپوائنٹ 16اگست 2016ء) خادم الحرمین الشریفین اتے سعودی فرمانروا شاہ سلمان بن عبدالعزیزسعودی مملکت دے سارے اداریاں کوں ہدایت کیتی ہے جو ا وہ حاجیاں دی حفاظت اتے انہاں دی سہولتاں سانگے ہرممکن اقدامات کوں یقینی بنڑاونڑ تاں جو ا وہ حج دے فریضے دی ادائیگی وچ کہیں قسم دی پریشانی دا سامنڑاں نہ کرین۔ عرب خبر رساں ادارے دے مطابق شاہ سلمان کابینہ دے اجلاس نال صدارتی خطاب کریندے ہوئیں آکھیا جواساں دنیا دے کونے کونے توں بیت اللہ دا حج کرنڑ دی غرض نال آونڑ آلے فرزندان توحید کوں خوش آمدید آکھدے ہسے ۔

انہاں حجاج کرام دے ناں اپنڑے پیغام وچ آکھیااے جو سارے حاجی صرف عبادت دی ادائیگی تے توجہ ڈیونڑ۔ سعودی عرب دے سارے ریاستی ادارے حاجیاں دے نوکر( غلام) بنڑ تے کم کرین۔انہاںبیت اللہ دے حج دی غرض نال مملکت وچ آونڑ آلے اللہ دے مہماناں دا استقبال کریندے ہوئیں ایں گالھ تے زور ڈتا جو حجاج کرام خود کوں اللہ سائیں دی عبادت سانگے وقف کر ڈیونڑ۔

عرب خبر رساں ادارے دے مطابق خادم الحرمین الشریفین ولوں جاری کردہ تازہ احکامات وچ آکھیااے جو سارے حکومتی اتے نجی ادارے اللہ دے مہماناں دے آرام تے سکون اتے انہاں کوں سہولتاں مہیا کرنڑ سانگے ہرممکن کوشش کرین۔ انہاں آکھیا جو سعودی عرب دی حکومت حرمدی توسیع دے منصوبے دے نال نال مدینہ منورہ اتے سارے مشاعر مقدسہ وچ حجاج کرام کوں سہولتاں دی فراہمی تے ارباں ریال خرچ کیتے ہن۔

اساں حاجیاں دی راہ وچ حائل ہر قسم دی مشکل اتے رکاوٹ مکاونڑ سانگے کوشش کیتی۔ باہرلے ملک قائم سعودی سفارت خانیاں کوں ہدایت کیتی گئی ہے جوا وہ عازمین حج کوں ویزیاں دے اجراء وچ ہر ممکن آسانی پیدا کرین۔ حجاج کرام دے بری، بحری اتے فضائی رستیاں توں مملکت وچ آونڑ اتے انہاں دے واپس اپنڑے ملکاں ولنڑ تئیں ریاض حکومت اپنڑیاں خدمات جاری رکھیسی۔اجلاس وچ8 اگست کو ںپاکستان دے شہر کوئٹہ وچ ہک اسپتال وچ تھیونڑ آلی دہشت گردی دی مذمت کریندے ہوئیں موجودہ مشکل حالات وچ پاکستان دے نال مکمل یکجہتی دا اظہار کیتا گیاہے۔