وزیراعظم محمد نواز شریف نال ہانگ کانگ دی وڈی کمپنیاں دے سربراہیں دیاں ملاقاتاں ، پاکستان اچ سرمایہ کاری اچ دلچسپی دا اظہار

وزیراعظم محمد نواز شریف نال ہانگ کانگ دی وڈی کمپنیاں دے سربراہیں دیاں ملاقاتاں ، پاکستان اچ سرمایہ کاری اچ دلچسپی دا اظہار

ہانگ کانگ (پاکستان نیوزپوائنٹ 17مئ2017ء) وزیراعظم محمد نواز شریف نال ہانگ کانگ دیاں وڈیاں کمپنیاں دے سربراہیں ملاقاتاں کیتیاں تے پاکستان اچ سرمایہ کاری اچ دلچسپی دااظہار کیتا ۔وزیراعظم نال زیڈ ٹی ای کارپوریشن دے چیئر مین ین یائی من، شانڈونگ ہائی سپیڈ گروپ دے چیئرمین سن لیانگ تے بیجنگ انٹر پرائیزز ہولڈنگ لمیٹڈ دے چیئرمین وانگ ڈونگ انجھ انجھ ملاقاتاں کیتیاں ۔

انہاں ملاقاتاں اچ پاکستان اتے ہانگ کانگ دے پبلک پرائیویٹ سیکٹر اچ برنس رابطے کوں ترقی ڈیونڑ تے گالھ کیتی گی۔ وزیراعظم مذکورہ سربراہاں کوں پاکستان اچ سرمایہ کار دوست پالیسیاں بارے ڈسایا جیں دے ذریعے غیر ملکی سرمایہ کاراں کوں مراعات اتے سہولتاں ڈتیاں ویندیاں ہن ۔ ہانگ کانگ دیاں کمپنیاں دے سربراہیں ملاقات دا موقع ڈیونڑ تے وزیراعظم پاکستان دا شکریہ ادا کیتا تے آکھیا جو او پاکستان اچ بزنس تے تجارت دے موقع دی تلاش تے کم کریسن ۔

واضح رہے جو زیڈ ٹی ای کارپوریشن ٹیلی کمیونیکیشن دے آلات اتے نیٹ ورک دی خدمات فراہم کریندی ہے تے ایندا بزنس دنیا دے 140ملکاں اچ کھنڈیا ہویا ہے ۔ شانڈونگ ہائی سپیڈ گروپ ٹرانسپورٹ دی صنعت کوں ترقی ڈیونڑ آلی کمپنی ہے تے بیجنگ انٹر پرائزز کمپنی بنیادی طور تے شہراں اچ گیس ،واٹر ٹریٹمنٹ تے ویسٹ مینجمنٹ دے شعبے اچ کم کریندی ہے ۔