بیجنگ(پاکستان نیوزپوائنٹ 15مئ2017ء) وزیراعظم محمد نواز شریف سنوار کوں بیلٹ اینڈ روڈ فورم دے موقع تے گول میز اجلاساں اچ شرکت کیتی جیں اچ کانفرنس اچ شریک بے عالمی راہنماواں وی شرکت کیتی۔ ایں موقع تے مربوط ترقی سانگے نیڑے شراکت داری دے امکاناں دا جائزہ گھدا گیا ۔ گول میز اجلاساں دا موضوع باہمی شراکت داری کوں ودھ توںودھ موثر بنڑاونڑ تے مربوط ترقی سانگے رابطے دا ودھارا تے تعاون منتخب کیتا گیا ۔
بیجنگ اچ یانچی لاکی دے بین الاقوامی کانفرنس سینٹر اچ منعقدہ مذاکرے اچ وزیراعظم محمد نواز شریف دے علاوہ چین دے صدر ژی جن پنگ اتے بئے سربراہان مملکت تے حکومت وی شرکت کیتی۔بی آر ایف دے ڈوجھے ڈینھ سنوار کوں عالمی راہنماواں ورکنگ لنچ اچ وی شرکت کیتی۔ ایں موقع تے ون بیلٹ ون روڈ منصوبہ تے تبادلہ خیال کیتا گیا۔
