اقوام متحدہ (پاکستان نیوز پوائنٹ 04 اگست 2016ء) اقوام متحدہ دے سیکرٹری جنرل بان کی مون بالاں کوں جھڑپاں توں محفوظ رکھنڑ دی اپیل کیتی ہے۔بان کی مون "بال اتے مسلح جھڑپاں" دے عنوان نال تیار کیتی گئی رپورٹ بارے وچ اقوام متحدہ دی جنرل کمیٹی وچ خطاب کریندے ہوئیںآکھیا جو " گلوبل تحفظ دامنظرنامہ ڈرانوڑی شکل وچ تبدیل تھیندا پئے لیکن ہک حقیقت ایجھی ہے جیرھی بالکل تبدیل نی تھیندی پئی اتے ا وہ ا یہ ہے جو بال حالی تئیں جنگاں دی بھاری قیمت ڈیندے پن"۔
بان کی مون آکھیا جو جھڑپاں وچ بال براہ راست ہدف بنڑدے رہے ہن، تشدد دا سامنڑاں کر یندت پئے ہن، جنسی استحصال دا سامنڑاکریندے ہن، معذور تھیندے پن، قید کیتے ویندے پن اتے بھوکے تریسے رکھ تے ہلاک کیتے ویندے پن۔انہاں دے گھراں کوں، اسکولاں کوں تباہ کیتا ویندا پئے، عراق، نائیجیریا، صومالیہ، جنوبی سوڈان، شام اور یمن جئیاں جئیں تے بال حقیقی معنیاں وچ جہنم دے عذاب توں گزر دے پن۔بان کی مون آکھیا جواساکوں، انساناں دے گھراں توں بے گھر تھیونڑ دی بنیادی وجوہات کوں فوری ردعمل پیش کرنڑ چاہیدے۔ ایندے نال نال اساں عالمی بحراناں دا سامنڑاں کرنڑ تے مجبور ہسے۔
