روسی تے شامی فوج شہریاں تے بمباری بند کرن' جان کیری

واشنگٹن (پاکستان پوائنٹ نیوز 02 -اگست2016 ء) امریکی وزیر خارجہ جان کیری شام اچ انسانی جانیں دے ضیان روکنڑ سانگے شامی فوج تے روسی فوج کوں شہریاں تے بمباری روکنڑ دا مطالبہ کیتا ہے ۔غیر ملکی خبر رساں ادارے دیاں رپورٹاں دے مطابق کولمبیا اچ اپنڑی ہم منصب ماریا انجیلا دے نال ہک سانجھی پریس کانفرنس کریندے ہوئیں جان کیری آکھیا جو روسی تے شامی فوج نہتے شہریاں تے بمباری دا سلسلہ بند کرے ۔انہاں آکھیا جو روسی فوج کوںنہ صرف خود حملے بند کرنڑے چاہیدے ہن بلکہ اینکوں شامی حکومت تے وی اپنڑاں اثر و رسوخ استعمال کریندے ہوئیں سرکاری فوج کوں بمباری روکنڑ دی ذمے واری پوری کرنڑیں چاہیدی ہے ۔