پاکستان ٹیلی کام دے شعبے اچ فقیدالمثال ترقی دا مظاھرہ کرنڑ تے عالمی اعزاز ''جی ایس ایم اے گورنمنٹ لیڈر شپ ایوارڈ برائے2017'' حاصل کر گھدا، یوارڈ وزیر مملکت انفارمیشن ٹیکنالوجی انوشہ رحمان وصول کیتا

پاکستان ٹیلی کام دے شعبے اچ فقیدالمثال ترقی دا مظاھرہ کرنڑ تے عالمی اعزاز ''جی ایس ایم اے گورنمنٹ لیڈر شپ ایوارڈ برائے2017'' حاصل کر گھدا، یوارڈ وزیر مملکت انفارمیشن ٹیکنالوجی انوشہ رحمان وصول کیتا

بارسلونا (پاکستان نیوز پوائنٹ 01مارچ2017ء) پاکستان ٹیلی کام دے شعبے اچ فقیدالمثال ترقی دامظاھرہ کرنڑ تے عالمی اعزاز ''جی ایس ایم اے گورنمنٹ لیڈر شپ ایوارڈ برائے2017 '' حاصل کر گھدا ۔ اے ایوارڈ اسپین دے شہر بارسلونا اچ جاری ورلڈ موبائیل کانگریس دی ہک پروقار تقریب اچ ڈتا گیا ۔ پاکستان ولوںاے ایوارڈ وزیر مملکت انفارمیشن ٹیکنالوجی انوشہ رحمان وصول کیتا۔

پچھلی ہک دھائی اچ پاکستان کوں پہلی دفعہ ایں عالمی ایوارڈ نال نوازا گیا ہے۔ ایںموقع تے وزیر مملکت انوشہ رحمان آکھیا جو جی ایس ایم اے گورنمنٹ لیڈر شپ ایوارڈ ،عالمی سطح تے پاکستان دی ٹیلی کام پالیسیاں دا اعتراف اتے وزیراعظم پاکستان محمد نواز شریف دی قیادت اچ انفارمیشن ٹیکنالوجی دے شعبے اچ تھیونڑ آلیاں انقلابی تبدیلیاں تے بین الاقوامی ٹیلی کام کمیونٹی دے اعتماد دا اظہار ہے۔

پاکستان اچ انفارمیشن ٹیکنالوجی دے شعبے گزریل ترائے سالاں توں بے مثال ترقی دا مظاہرہ کیتا ہے۔انہاں آکھیا جو گزریل ڈو سالاں اچ پاکستان کوں ٹیلی کام دے شعبے اچ ملنڑ آلا اے ڈوجھا عالمی ایوارڈ ہے ۔انوشہ رحمان آکھیا جو اے عالمی ایوارڈ وزارت انفارمیشن ٹیکنالوجی،پی ٹی اے،فریکوئنسی ایلوکیشن بورڈ سمیت ہماری پوری ٹیم دیاںسانجھیاں کاوشاں دا مظہر ہے۔ انہاں پاکستان دیاں ٹیلی کام پالیسیاں دے اعتراف اتے پاکستان دی موجودہ قیادت تے اعتماد دا اظہار کرنڑ تے جی ایس ایم اے اتے گلوبل ٹیلی کام کمیونٹی داشکریہ اداکیتا۔